Piäkuva: Muahmuuttajien lapsii opastajan Annika Liitin mugah uvves suundavukses on äijy hyviä. Video: Petra Haavisto / Yle
Kielenopastundan, kodivundan da dovarišoin löydämizen puoles inkluziivine valmistai opastus on hyvä dielo, nenga sanou koordinuattoru, S2-opastai Annika Liiti.
Muahmuuttajien perehien lapset siirrytäh aijembua teriämbäh ylehisopastukseh.
Ezimerkikse Kokkolas da Vaazas kai vieraskielizet eskarilazet tulien sygyzyn zaveditah školan tavallizes 1.kluasas. Hyö ollah inkluziivizes valmistajas opastukses da suajah tarvittavan tuven tavallizes kluasas.
Eduu on äijy, sanou kieli- da kul’tuurujoukkoloin koordinuattoru Annika Liiti Kokkolan linnalpäi. Häi sežo on suomi toizennu kielenny – libo S2-opastai.
– Lapsi piäzöy lähäzeh školah, opastuu suomen kieleh parem moizes joukos, kuduas on sežo sidä muamankielenny pagizijua školaniekkua, suau dovariššua da kodivuu teriämbäh, migu sit, konzu olis häi ezmäi vuvven kusgi toizes školas.
Samastu on opiteltu sežo Seinäjovel, da linnan školatoimen mugah tulokset ollah hyvät.
Yle Uudizet karjalakse: https://yle.fi/a/74-20142726
