Ruoččii evustai suomenruoččilaine KAJ on eistynyh Baselan Euroviizuloin finualah oman pajonke Bara Bada Bastu.
KAJ:n ližäkse yheksä muudu pajoezitysty piäzi jatkoh enzimäzes puolifinualas. Toizis Pohjazis mualois jatkoh piästih Norvegii da Islandii. Danii da Suomen Erika Wikman ozutellahes toizes puolifinualas myöhä nellänpiän.
Kelan työtyt muuttokehoitukset ollah vaigevutettu monen toimehtulotugie suajan eloksen. Kela on työndänyh kehoituksii vuvven aloh vähimyölleh 33 000 koditalovuoh libo vähimyölleh 100 000 hengele.
Suomeh on planiiruittavannu äijy datakeskustu, kudamien lopullizes käyttäjäs ei ole julgistu tieduo.
Suomi planiiruičcou siirdymisty eurouppalazeh raudutien raiživolevevyöh.
Suomen sijoitus bohatoin mualoin lapsien hyvinvoindua koskijas verdailus on romahtannuhes. Iellizes Unicefan verdailus vuvvel 2020 Suomi oli viijes, ga nygöi vaigu seiččemestostu.
Suurin vuitti Suomen bolničoin lendopaikois ei täytä nygözii lendoturvalližusmiärävyksii. Liikendeh- da viestindyvirrasto Traficom päivitti mulloi keviäl miärävyksii, kuduat koskietah vertol’otoile tarkoitettuloi lendopaikkoi.
Kuundele liziä Yle Areenas: https://areena.yle.fi/1-73056318
