Nedälin 15 Yle Uudizet karjalakse Yle Areenas

Artemis 2 -kosmossulendo on kierdänyh Kuus ymbäri da nygöi on matkas järilleh Muah. Kuulendo rikoi rekordan tossargen huondesyöl käymäl loitomba Muah sinne, kus nikonzu ristikanzu aijemba ei ole käynnyh.

Yhtysvallat da Iran ollah sovittu kahten nedälin tuliväliaigah näh.

Valdivovaroinministru Riikka Purra ei uskalda halličukselpäi merkittävii vastahtuloloi benziinan libo toizien nossuzien hinnoin alendamizekse.

Talovusspecialistat pietäh eläkkehii hyvänny siäständykohtehennu valdivontalovuon tazapainottamizekse.

Vahnoin ristikanzoin palvelulois ruadajien lähihoidajien mugah heil on aijembua enäm yligruuzindua ruavos.

Eloikeinoeloksen tutkimuslaitoksen Etlan tutkimuksen mugah azutun intellektan käyttö ruavos ei ližiä varavuo ruadokohtan kaimuandas.

Syrjäzien paikkukundien pienet gimnuaziet ollah puututtu ahtahah čuppuh. Ezimerkikse Ilomančin gimnuazieh Pohjas-Karjalas pyrgiihes keviän yhtehispyrrindäs vaigu yksi opastui.

Kuundele ližiä Yle Areenas: https://areena.yle.fi/1-77438972