Nenga buaboloin sriäppimisnerot siirrytäh nuorile
Buabat da died’oit piästäh jagamah omua syömizien vastustandumaltuo nuorile vaste perustetul Tiktok-sivul. Enämbäl suvaittuloil videoloil on jo sadoi tuhanzii kačondukerdoi. ”Mostu Suomes enne vie ei ole luajittu”, sanou idejan tuatto.
Piäkuva: Terttu Ahonen varustau rieskantaiginua omassah keitändypertis. Kuva da video: Mikko Savolainen / Yle
Lappienrannan Jouččenos eläi Terttu Ahonen on pastanuh perindöllisty jouččenolastu rieskua vuozikymmenien aijan.
Terväh Terttu Ahozen opastuksen perindöllizen jouččenolazen rieskan pastandah nähtäh kaikin. Häi on keräl Ylämummola-projektas, kuduan idejannu on siirdiä buaboloin da died’oloin sriäppimisneruo nuorile Tiktok-videoloin vuoh.
– Tahtoimmo ozuttua buaboloin neroloi vesseläh da modernoih luaduh. Mostu Suomes enne vie ei ole luajittu, sanou idejan tuatto, syömisvaikuttai Olli Freese.
Yle Uudizet karjalakse: yle.fi/a/74-20220287