Nedälin 16 Yle Uudizet karjalakse Yle Areenas
Ruakkuvoimattomua kuolou Suomes aijemba, migu toizis Pohjasmualois.
Suomi on jiännyh toizis Pohjasmualois tuakse monien ruakkutaudiloin hoidotuloksis.
Suomen kuluttajanhinnat nostih kevätkuul 1,3 (yhtel pilku kolmel) prosental mullozis.
Vengries piäministran Viktor Orbánan da hänen Fidesz-puolovehen valduaigu on loppenuhes. Oppoziciipuoloveh Tisza sai histouriellizis parluamentuvalličuksis suuren voiton.
Suomeh puuttunuot drounat ollah eri mallii, migu aijemba on sanottu.
Syväinaziiministerstvu on luadinuh ohjavot drounudogadindoih niškoi. Ohjavot on ližätty 112 (yksi yksi kaksi) Suomi -sobivutukseh, nenga sanou Hädäkeskuslaitos.
Lapin ulgomualazis kauziruadajis 40 (nellikymmen) prosentua on vastannuh hyväksekäyttyö. Tämä tiijustettih palvelualoin PAMan kyzelys.
Yle da MTV yhtes pietäh kampuaniedu somemuanittelendoi vastah.
Karjalan Sivistysseura on kunnivoinnuh omii ozanottajii da toizii karjalan kielen da karjalazen kul’tuuran hyväkse ruadajii andamal kolme kunnivo-ozanottažuttu da kaheksa aznivomerkii.
Kuundele ližiä Yle Areenas: https://areena.yle.fi/1-77548098