Yle Uudizet karjalakse | Pienet lapset löyttih kivikaudizii ezinehii Sotkamos – madal vezi tuou uardehii nägövih
Madalan vien pal’l’astetul rannal lövvyttih kovažin da nellibokkahine kivikirves. Ezinehet löyttih viizivuodine brihačču da hänen dovariššu.
Pienet lapset löyttih kivikaudizii ezinehii Sotkamos. Madalan vien pal’l’astetul rannal lövvyttih kovažin da nellibokkahine kivikirves. Kuva: Kainuun Museo / Yle Uudizet karjalakse
Kainuun Muzei sai mennyt nedälil Sotkamos löyttylöi ezinehii madalan vien pal’l’astamal rannalpäi.
Yksi ezineh voibi olla kivikaudine kovažin da toine nellibokkahine kivikirves, kudamas oli vikse olluh varzi.
Ezinehet löyttih viizivuodine brihačču da hänen dovariššu kižates-elostajes rannal. Myöhembä yhten lapsen muamo kačoi lapsien kerättylöi kivilöi tarkembah da ilmoitti niilöih näh Kainuun Muzeih.
Luve da kuundele ližiä: Yle Uudizet karjalakse