Suomessa vietetään 25.11.–1.12.2024 karjalan kielen viikkoa. Viikon tarkoituksena on juhlistaa karjalan kielen eläväisyyttä ja monimuotoisuutta ja tehdä sitä näkyväksi monin eri tavoin.
Viikon aikana julkaistaan karjalaisten ja karjalankielisten kirjoituksia kielen ja sen merkityksen ympärillä Facebookissa, X:ssä, Instagramissa ja Karjalan Sivistysseuran Uutisčuppu – Uudisčuppu -ajankohtaiskanavalla. Tämän vuoden teemana on ”karjalakši joka päivä” (vk)/”karjalaksi joga päiviä” (sk)/”karjalakse joga päiviä” (lk).
#karjalankielielay
#karjalankielennedäli
Duumaičen karjalakse
Sepän Jefimin Lyydin Liza
Minä olen opastunnuh rahvahanopistos karjalan kieldy nelli-viizi vuottu. Jälgiaigua olen ellendännyh, što duumaičen karjalakse!
Konzu luajin murginua kois libo pastan ezimerkikse muarjupiiruadu, minä yhtel aigua voin duumaija, kuibo ”peruna, ”porkkana” libo ”kananmuna” ollah karjalakse. Net ollah kartohku, keldujuurikoi da jäiččy.
Minul on kaksi-kolme dovariššua, kudamat sežo suvaijah karjalan kieldy. Konzu olen heijänke, myö kuundelemmo Uuttu Sanua libo minä pagizen karjalakse, konzu olemmo mečäs keriämäs siendy libo muarjua.
Olen ylen ozakas, ku čikko da muamo maltetah paista karjalakse, yhtehine aigu da pagin heijänke on ylen vessel kodvaine.
Velli da hänen akku kyzelläh, kuibo ”olohuone”, ”makuuhuone” da ” keittiö ” ollah karjalakse. Maltan sanella: oloperti, magavoperti da keitändyperti.
Toivottavalleh livun pagizemah karjalakse ielleh vie enämbän, planiiruičen lugie karjalankielizii kniigoi.
Pääkuva: Pixabay
Miitrei pakauttelou mammuah
Miitrei da Olga Karlova
Muamo on kerton lapšellah karjalan kielen netälistä ta jotta šiih voipi ottua ošua työntämällä mimmoistanih videota, kumpasella paistais karjalakši. “No ottakka myö minih kuva, mamma voipi pakauttua šilma ta šie vain vaštualet”, ehottau muamo. Lapši piiruštau kuvan tietokonehella, muamo rupieu kuvuamah šitä telefonikamerallah. A lapši ottau tai rupieu pakauttamah muamuoh, no a muamo ei muuta kun vain vaštuamah kyšymykših.
Teksti: Olga Karlova
Olkua hyvät, pakauttelijana Miitrei ta pakauteltavana Olga-mamma:
Tämän äänitiedoston lisäksi video tulee kokonaisuudessaan nähtäville Karjalan kieli eläy -Facebook-sivulle.
Sanoista saduo elokseh!
Heidi Kukkonen
Sanoista saduo elokseh! Mie opin muanitella karjalua miun elokseh kirjuttamalla. Sanat ollah peitossa siinä, midä mie niän, tiijussan da tunnen. Ne ollah kuin siemenet, kumbazie keriän taldeh. Erähät sanat suahah miun mieldymäh enzimäzellä kačahuksella, a toizet sanat mie työnnän kogonah iäreh libo yhelläh vielä vuottamah parembie vastaudumizie. Konza mie löyvän yhen libo kaksi kolme armahaista sanua, mie issutan ne miun mielen muah da rubien kazvattamah niistä runoloin da starinoin saduo. Nygöin miun sadu on vasta pikko pikkarane, a mi ilo miula on kaččuo kazvamista!
Kuva: Heidi Kukkonen
Yskyniekanvakan syväindö 2024
Milla Turpiainen
Tekstiil’at
4 bodii 50-74cm
3 pukšut 50-74cm
pižuamu 62-68cm
villukombinezon 68-74cm
2 piähinehty
sukat
alazet
5 marl’upaikkua
kylbypaikku
alushurstine
piälyshurstine
kate
magavohuavo
ulgokombinezon
lämbökindahat
lämböjallaččizet
Muut tuottehet
rindulappu
hammasharju
tukkuharju
kynzinozničat
kylbylämbömittari
nännivoijeh
enzikniigaine
tervehyssidielöi
hätken käytettävy liifansuoju
liuguvoijeh
5 kondomua
matrassu
magavosijavakku
Kuva: Milla Turpeinen
Kirjaštošiännöt
Jovenšuun piäkirjašton lapšien čuppusešša šuat neuvuo ta juohatušta karjalan kielellä, kun erähät ilmotukšet on kiännetty nyt karjalakšiki. Kuvašša niät kirjaštošiännöt vienankarjalakši, kumpaset on kiäntän Päivännoušu-Šuomen yliopisson kiännöšseminarin opaštuja.
Karjalan elvytysprojektan blogah on kerätty tieduo karjalan kielen nedälin pidolois da tembavuksis.
Hyviä karjalan kielen nedälie! Hyvyä karjalan kielen netälie!
