Suomessa vietetään 25.11.–1.12.2024 karjalan kielen viikkoa. Viikon tarkoituksena on juhlistaa karjalan kielen eläväisyyttä ja monimuotoisuutta ja tehdä sitä näkyväksi monin eri tavoin.
Viikon aikana julkaistaan karjalaisten ja karjalankielisten kirjoituksia kielen ja sen merkityksen ympärillä Facebookissa, X:ssä, Instagramissa ja Karjalan Sivistysseuran Uutisčuppu – Uudisčuppu -ajankohtaiskanavalla. Tämän vuoden teemana on ”karjalakši joka päivä” (vk)/”karjalaksi joga päiviä” (sk)/”karjalakse joga päiviä” (lk).
Vienankarjalan opaštujat
Päivännoušu-Šuomen yliopisson opaštujat työnnelläh toini toisella tekstiviestijä karjalakši. Tällä kertua jälempäini šeiččemöveh šuoritah restoranih: Heidi Gilhooly, Eiji Kirves, Sanna Lipkin, Ira Pekkala, Johanna Pelling, Rita Pulli ta Nina Stepanoff.
Alahana niät heijän yhtehisen viestičiepin vienankarjalakši. Kuin moni piäšöy lähtömäh?
*
Terveh!
Kuinpa tiän asiet ollah? Muissattako, jotta restorani ruatau tänäpiänä kahekšah šuaten? Näkeyvymmäkö šielä, mie vuotan kuni työ vaštuatta!
Ira
*
Terveh Ira, hyvin ollah asiet, ka ylen äijä on ruatuo! Kuinpa iče elät? Toveštah himottais näkeytyö, käypikö šiula puoli šeiččemen aikah?
Tervehyisin Johanna
*
Terveh teilä, Ira ta Johanna!
Mie olen vaipun totkukši, en šuata nimih lähtie. Olen luissellun järven jiällä iltah šuaten ta täh palah mie venykšentelen kravatilla.
Veššelyä illaččuo teilä!
Nina
*
Terveh!
Miulaki himottau näkeytyö, mie ikävöičen teitä. Luajin karjalan kotiruatoja ta kirjutan šuomen essietä. Opaššun ta opaššun, ainaki kahekšah šuaten, luajin ta kirjutan äijälti, jotta tulou valmehekši. Lisäkši ei tämä luajinta täh lopu! Essielöitä riittäy.
Mie iten ta vaivun kontien keralla talviuneh!
Prostikkua milma ta viettäkkyä iloista iltua.
Rita
*
Terveh kaikilla!
Prostikkua milma, mie en voi lähtie nikunne tänäpiänä. Miän heimolaiset tullah meilä ativoih tänä iltana. Miun pitäy nyt šiivoutuo ta valmistua šyömistä heitä varoin. A enši netälillä mie šuatan tulla, kun vielä tahtonetta männä restoranih ta kinoh. Mänkyä tervehenä!
Tervehyisin Heidi
*
Terveh teilä!
Mie tulen konšanih šiinä šeiččemen jälkeh. Miula himottais šyyvvä mitänih hyvyä kalua. Näkeyvymmä!
Sanna
*
Terveh teilä!
Miula himottais nähä teitä. Passipo kuččumua! Miula käypi hoš mih aikah. Opaššun koissa nelläh šuaten ta voimma näkeytyö šen jälkeh. Mi oli restoranin nimi?
t. Eiji
Kirjuta ta työnnä šieki viesti karjalakši!
Piäkuva: Pixabay
Hanna Mensonen ta Saana Pulkkinen viessitelläh karjalakši
Päivännoušu-Šuomen yliopisson vienankarjalan opaštujat Hanna Mensonen ta Saana Pulkkinen viessitelläh keškenäh karjalakši.
Saana: Läkkä šyömäh Carelialla miun kera č. 13?👀✨
Hanna: Terveh šiula, passipo kučušta, miula ei vielä ole nälkä, paššuauko myöhempäh tänäpiänä? Tahi huomena?🤔
Saana: Miula on luvento č. 14-16 ta pitäy ennen šitä keritä šyyvvä🤔 Onnakko huomena šiitä, monelta šiula paššuau?
Hanna: Pätöy miula huomena č. 12, ka vot kuin äijä šyöjyä ristikanšua on šiih palah😅
Saana: Hmm… Kuottelemma mahtuo🤷 näkeyvymmäkö Carelian foiješša?
Hanna: Näkeyvymmä šielä!☺️
👍💯
Rupie šieki työntämäh viestie karjalakši!
Jaana Petsalo
Olen havačunnuh jo aijoi, enne seičendy, gu tahton nähtä Yle Uudizet karjalakse televiizoras. Tänäpäi uudizet lugou Hiloin Natoi. Päivän piätiemannu on karjalan kielen kielizakon, kudaman Suomen parluamentu on karjalan päivän kunnivokse piästänyh ilmah juuri egläi. Uudizien lopukse AI lugou päivän siäennustehen, ga segi uskaldau čomua päivypastuo kogo päiväkse da nedälikse.
Huondesveron jälles luven allus loppussah päivän karjalankielizen Joga päiviä -gazietan, kudaman piäkirjutus sanelou karjalan kielen kielizakonah näh. Juon vie toizen čuaškan espressuo, gu olen muga hyväs mieles. Minun WhatsAppah tulou äijy viestii karjalakse dovarišoilpäi da rodnilpäi, kudamat sežo ollah kuultu päivän hyvät uudizet. Minun Facebook on läs toppavunnuh, gu kaikin tahtotah hyvitellä toine tostu.
Murginan jälles jatkan minun omassah kniigan kirjuttamistu. Hos neče kniigu ongi jo minun toine karjalankieline novellukerävys, kielizakon virittäy minun kirjuttamizen ihan “nextile levelile”, kui nuoret puaksuh sanotah.
Ehtäl minä pastan šipainiekkua enzimästy kerdua, ilmai midägi opastamistu libo opastumistu. Minä diivuičemmos omua uuttu maltuo, da nagran sendäh karjalakse ehtässah, da vie huondeksel unes havačuttuu. Vaste nygöi dogadin, gu minun kravatin vieres istuu zolotoi linduine, sorokku piäs. Se kaččou minule silmih da pajattau omassah linnunpajuo karjalakse, Virdilän murdehel.
Kuva: Pixabay
Martti Jousimon video
Suvikarjalan opastuja Martti Jousimo on kuvannun videon karjalan kielen nedälin kunnivoksi.
Kuundele:
Kačo video Karjalan kieli eläy -Facbook-saital.
Miitrei ta Jelena: komiksua karjalakši
Karjalan kielen käyttyö voipi lisätä omašša elokšešša rupiemalla kielikuomakši-tovarissakši kellänih. Näkeytyö voipi hoš kerran-kakši netälissä, ta yheššä voipi ruatua hoš mitä vesselyä: rakentua legoloilla, luatie palakisua, luatie školaruavot, paissa omista huavehista, käyvä pihalla tahi kaččuo kinuo ta paissa šen kiäntehistä karjalakši. Yheššä voipi niise piirtyä ta luatie komiksua.
Kuvašša Miitrein ta Jelenan komiksan hahmot ta pikkaraini palani komiksua. Piäroulissa komiksašša šeikkual’l’ah Skokku ta Leo.
Rupie šieki luatimah komiksua karjalakši!
Karjalan elvytysprojektan blogah on kerätty tieduo karjalan kielen nedälin pidolois da tembavuksis.
Hyviä karjalan kielen nedälie! Hyvyä karjalan kielen netälie!
