Halličus tossargen piäzi sobuh tulien vuvven bydžiettäh näh
Halličus sobi piäl miljardan euron siästölöis, kudamis suurin vuitti roih vaste vuvvel 2027 (kaksituhattu kaksikymmen seiččie).
Eloikeinoeloksele nengoine bydžiettyezitys on pättävy. Ruavonruadajien puolen edujärjestölöile bydžiettyezitys ei roinnuh mieldy myöte.
Millionieroin miäry Suomes on jyrkäh kazvanuh jälgimäzien vuozikymmenien aloh.
Suomen uinduopastus– da hengenpellastusliitto jagau uvvet uinduopastusohjavot školih syvyskuun aigua.
Karjalan kieleh tänä vuon voit opastuo äijäs kohtas, ezimerkikse Päivännouzu-Suomen yliopistos da rahvahanopistolois Suomen eri čuril.
Nuoret karjalazet tänä kezän ollah pietty karjalazii bes’odoi äijil paikkukunnil, ezimerkikse Jovensuus, Nurmekses da Turrus. Sygyzyl Bombal jatkutah Tohakka-kluubat.
Kuundele liziä Yle Areenas: https://areena.yle.fi/1-75999538
