Nedälin 39 Yle Uudizet karjalakse Yle Areenas

Ruavottomus kazvau iellehgi

Statistiekkukeskuksen mugah ruavottomusastehen trendu elokuul nouzi tazah kymmeneh prosentassah.

Kopengagenan da Oslon aerodromoile tungihes ezmässargen ehtäl mondu drounua, kudamien täh aerodromat salvattih äijäkse čuassuu.

Halličuspuolovehet ollah piäzemäs sobuh miäryaigahizii ruadosobimuksii koskijas kiistas.

Kullan hindu on nossuh täl nedälil myös uudeh rekordassah. Uncien hindu nouzi läs 3 200 (kolmehtuhandeh kahtehsadah) eurossah.

Täl nedälil pietäh sygyzyn suurin lendotoiminduharjaitus Suomes.

Käyttösistieman Windows 10:n (kymmenen) tugi da tiedoturvupäivitykset loppietahes ligakuul.

Karjalan kieleh liittyi seminuaru piettih kolmanpiän Helsingin Pikkuparluamentan Kanzalasinfos. Sen tiemannu oli keviäl jullattu karjalan kielen elvytysprogrammu.

Luve da kuundele liziä Yle Areenas: https://areena.yle.fi/1-75999549