Suomi varustahes iččenäžyspäivän piendäh
Iččenäžyspäivän pruazniekkan annettavien kunnivomerkilöin suajat sanottih julgi aijemba täl nedälil. Korgeviman kunnivomerkin, Suomen Valgien Rouzan suuren ristan, tänä vuon suau parluamentan paginanjohtai Jussi Halla-aho.
Veteruanat, lotat da muut voinusugupolven evustajat otettih ozua iččenäžyspäivän pruazniekkupidoloih Prezidentanlinnas tossargen.
Piäministru Petteri Orpo omas puoles ižändöičči valdukunnallizes lapsien iččenäžyspäivän pruazniekas kolmanpiän Helsingis.
Puolistusvoimien iččenäžyspäivän paruadu pietäh suovattan Kouvolas.
Tänä vuon Suomes on mendy bankrotakse enäm, migu konzutahto aijemba 2000 (kaksituhattu)-luvul.
Ukrainan rauhanpluanua koskijat nevvottelut Yhtysvalloin da Ven’an keskes loppiettihes tossargen yöl Moskovas ilmai läbimurduo.
Ven’an prezidentu Vladimir Putin väitti tossargen, gu Eurouppu on estienny rauhan suamizeh Ukrainah. Ven’a ei hyväksy eurouppalazien vuadimuksii.
Pohjas-Karjalan Eliel-muzeis piettih mennyt nedälinlopul karjalankieline suovattu. Programmas oli paiči muudu karjalankieline opastus Karjalan neičoi -ozutteluh sego lorukodvaine lapsih niškoi.
Kuundele ližiä Yle Areenas: https://areena.yle.fi/1-75999569
