Nedälin 7 Yle Uudizet karjalakse

Kelan ruadajat vastatah aziettomua käytösty sadoi kerdoi vuvves

Kelan ruadajat joga vuottu puututah sadoih tilandehih, kudamis aziekas vedäy iččie pahoi libo varaittajen.

Halličus planiiruiččou Suomeh uvvenluadustu salvattuu lapsiensuojelendan laitostu.

Suomen kielienopastajien liitto on huolevunnuh nuorien kielivalličendoin keskittymizes endisty lujembah anglien kieleh.

Oulus pietäh karjalazeh kul’tuurah liittyi luvendosarju vuitinnu kul’tuurupiälinnuvuvven programmua. Oulun Karjalaseuran da Karjalan Sivistysseuran organizuitus luvendosarjas specialistat kačellah karjalastu kul’tuurua, evakkohuttu da pagolažuttu äijis eri nägökohtis.

Karjalažuon da karjalan kielen histouriedu kaččelii muuzikkuozutelmu Mustu loukko tulou järilleh Helsingih. Ozutelman on käzikirjutannuh da ohjannuh Markus Leikola. Ozutelmas sanellah, kui karjalan kieldy ei ole tunnustettu omakse kielekse ni Suomes, ni Ven’al.

Kuundele ližiä Yle Areenas: https://areena.yle.fi/1-77082684