Oraskuu rodieu tulokas niilöile, ket ruvetah ruadamah täytty vägie. Väzinyzile se rodieu hyväkse huogavoaijakse. Huogavukkua luonnon helmas, ostakkua midätaho uuttu omah kodih dai omale ičele. Uvvet pimendäjät očkat, kebjiet kengät da kezäpaidu tuvvah hyviä mieldy.
BOŠIL täs kuus ruadua parembi olis joukos, kiittäkkiä niilöi, ket teidy avvutetah. Lämmin kevätpäiväine ližiäy sinule vägie da parandau tervehytty. Hyväkse mielekse osta uuttu sobua.
HÄKIL ei pie tartuo joga ruado, luaji parembi loppussah tärgevimät ruavot. Joudaval aijal kävy teatrah libo ozutteluh, huogavu luonnon helmas. Älä menetä den’goi tyhjäh, kieldävy erinomazis
ostoksis.
KAKSOZIL pidäy ruadua sidä, midä ainos himoitti ruadua. Kuunnelkua ruadodovarišoin nevvoloi. Ei pie menettiä liijakse aigua kodiruadoloih, parembi rua midägi yhtes omahizienke, vastavu dovarišoinke.
RUAKAL on paras aigu huogavuo hengel dai rungal. Sano kai omat mielet da tunnot kohti, muga sinuu ruvetah suvaimah da uskomah. Naimattomat Ruakat toinah tuttavutah omah vastineheh
omas ruadokohtas.
LEIJONAH niškoi on hyvä aigu parandua omii ammattineroloi: kävy seminuaroih da luvendoloih. Kuun toizes puoliškos liženöy vägie da himuo ruadoloih. Miettikkiä, kunne olis parembi lähtie loman aigua.
NEIDIZIL pidäy eččie abuu dovarišois. On hyvä aigu sellittiä omat den’guprobliemat: maksa vellat da krediitat. Opi kai ruavot kois dai ruavos ruadua hyväl mielel, eiga voit väzyttiä da muokata iččie kaikkineh.
VIESOIL ei pie olla kois, pidäy puaksumbah kävvä eri pidoloih. Nenga naimattomatgi teriämbi vastatah oman mielespiettävän. Ole siästäjänny täl aigua. Syö enämbi puunandindu da ouveššii.
SKORPIONOI ei rubie lykystämäh kuun allus. Sinun ruavos libo elokses rodieu muutoksii, vaiku älä anna niilöil muutoksil pettiä omua iččie. Täs kuus sinuu toinah työtäh ruadomatkah. Se rodieu hyvä.
PIŠŠALIMIEHIL ei pie andua tavale valdua, eiga riidavutto kaikkienke. Puaksut riijat oman vastinehenke sežo ei olla hyväkse. Kuun loppupuoli tuou jo hyvii uudizii da sovun pereheh.
VUORIKOZIH niškoi tämä kuu ei rodei rauhalline. Suurih ruadoloih maksau ottavuo vai kuun allus. Kuu rodieu hyvä yhtesruavos sovindah, suvaičus- da ystävysvälilöih niškoi.
VEZIMIEHII lykystäy den’gan puoles. Kieldävy parembi suuris ostoksis. Toinah sinä vastuat oman mielespiettävän, kudamanke rodieu äijy yhtehisty ruaduo. Kävy tiijustamah loittozii omahizii da vahnoi dovariššoi.
KALAT toinah suajah suuremban palkan libo korgiemban virran. Hyväkse mielekse kävy kylyh libo basseinah, kävy kosmetoulogahgi. Älä syö liijakse pastoksii, ei pie sangevuo kezän allus.
Valmisti Ol’ga Smotrova, Oma Mua 30.4.2025
Piäkuva: Pixabay
Vesseliä Maijua!
Vesselyä Vappuo!
