Uutiset

Päivänvalgien nägi Loimolan Voima-muuzikkujoukon Ruttomužikan kyynäl-disku

Kirjoittanut: Toimitus
Julkaistu: 12.8.2020

“Loimolan Voima” on joukko, kudai luadiu uuttu karjalankielis ty muuzikkua. “Ruttomužikan kyynäl” on joukon enzimäine cd-disku, kudai piäzi ilmah heinykuun 13. päivänny. Muuzikkujoukko perustettih Lieksas kaz vannuot vellekset Mika ja Niko Saatsi, kudualoil on suistamolazii juurii. Ruttomužikan kyynäl-diskas on kymmene pajuo. Muuzikan säveldi Mika Saatsi, sanat luadi Niko Saatsi, pajot sovitettih Ruttomužikan kyynäl Ilkka Hämäläinen da Mika Saatsi. Disku valmistettih Ilkka Hämäläinen da Loimola lo-fi Oy.

“Loimolan Voiman” velleksien perehes paistih karjalakse, hyö kuultih karjalankielizii virkehii da eri sanoi. Jälgi aigua Mika da Niko käydih kielikursiloile dai opastuttih karjalua iččenäzeh. Muuzikan kauti vellekset tahtotah luadie karjalazien kul’tuurua da kieldy kuulužembakse.

Diskan pajot kerrotah karjalazien yhtehizes kogemukses: sovat, evakkoaigu, kodialovehien menetys, omis perindölöis vieravuttumine da muut. Samal tiel disku kerdou sit, ku karjalažus ei ole kuolluh, se eläy da kehittyy.

Loimolan Voima-joukko ezitti oman diskan kodirannal Pohjas-Karjalas. Enzimäine konsertu piettih Lieksas, sit – Nurmekses da Ilomantsis. Elokuus rodieu konsertu Lapinlahtel, ligakuus – Kontiolahtel, Järvenpiäs da Jyväskyläs, kylmykuus – Kajaanis.

Ruttomužikan kyynäl-disku voibi kuunnella cd-diskannu da digitualizes muvvos Spotifys, YouTubessa da Deezeris. Diskan piästämisty kannatti Karjalan Sivistysseuru.

Ližiä tieduo voibi suaja sähköpoštači loimolanvoima@gmail.com libo “Loimolan Voiman” joukos facebookas.

Facebook: https://www.facebook.com/loimolanvoima/
Youtube: https://www.youtube.com/channel/UCvkfdB7y2Jg98OJE-bPON2w

Teksti ta foto: Oma Mua, 12.8.2020

Lue nämäkin:

Nedälin 15 Yle Uudizet karjalakse Yle Areenas

Nedälin 15 Yle Uudizet karjalakse Yle Areenas

Pyhänpiän piettävien aloveh- da kunnanvalličuksien ennepäi-iänestys on loppenuhes Edukyndeh iänesti enäm miljonua suomelastu. Nämmien alovehvalličuksien ennepäi-iänestys oli raviembi, migu mennyzis alovehvalličuksis. Liikendeh- da viestindyministran Lulu Randien mugah...

Mikä on Uutisčuppu?

Uutisčuppu – Uudisčuppu on Karjalan Sivistysseuran uusi ajankohtaiskanava. Julkaisemme tällä sivustolla kiinnostavia uutisia ja tietoa tulevista tapahtumista.

Tilaa uutisviesti

Tilaa sähköpostiisi ilmoitukset uusista artikkeleista.