Uutta runoutta: Sriäppijä
Piäkuva: Sriäppijä. Kuva: Andreas Lischka/Pixabay
Sriäppijän käpöset pienet
ta pehmiet.
Taikinah ševottau ruista ta
vehnyä,
Lisäkši maituo, voita ta
hiivua –
Annetah noušša še nyt
pikku hil’l’ua.
Taikina kiukualla ähkäy
ta öhkäy,
Potakat hellalla veješšä
röyhkyäy.
Potakat šurvou ta taikinan
jakau
Sriäppijä monekši pienekši
palakši.
Käsissäh pallokši palaset
pyörittäy,
Kohuomah peltillä rivilöih
ašettau.
Palloset potakkahutulla
peittäy
Ta šiitä ne kiukuah paistumah
heittäy.
Pirtissä tuntuu jo šankien
tuokšuo,
Pihalta lapšet näläššä
juokšou.
Issuttau emäntä perehen
stolah
Čäijyö juomah ta lämmintä
šankie šyömäh.
talvikuu 2024
Runo: Valentina Saburova