Yle Uudizet karjalakse: Varavonalaine karjalan kieli on suannuh elvytysprogramman – ruadojoukko ezittäy karjalankielizile omua rahvahansuuduo
Piäkuva: Karjalankieline kerhoruandu on yksi elvytysprogramman tavoittehis. Helsingin Oodi-kirjastos mulloi sygyzyl zavedi oman ruandan al školaigähizih niškoi avattu karjalan kielen kerho. Kuva: Katri Tihilä / Yle
Specialistoin ruadojoukon luajitus elvytysprogrammas on 23 konkretnoidu toimenpidehty, kudamat todevujes parandettas karjalan kielen eloivägie.
Karjalan kieli on suannuh hätken vuotetun elvytysprogramman.
Konkretnoi elvytysprogrammu on karjalankielizile ylen tärgei, sendäh gu se tuou karjalan kielen lähembä Suomen toizii kodoperäzii kielii.
– Äijäh muuh kieleh verraten karjala lähtöy tagamatkaspäi, sendäh gu sil ei ole Suomes zakonoinluajindallistu azemua, kudaman vuoh tarvittavii tugitoimiloi voidanus ruveta kehittämäh, nenga sanou karjalan kielen elvytändän koordinuattoru Niko Tynnyrinen.
Karjalan kielele oma kielizakon
Elvytysprogrammah on kirjutettu 23 toimenpidehezitysty, kudamat todevujes lujendettas karjalan kielen eloivägie.
Vuitti toimenpidehis iellyttäy muutoksii zakonah.
Karjalan kielen elvytysprogramman julguandupruazniekku pietäh nellänpiän Päivännouzu-Suomen yliopistos.
Luve liziä Yle Areenas: https://yle.fi/a/74-20162655