Nedälin 22 Yle Uudizet karjalakse Yle Areenas
Helsingin tulipalo kerrostalois rodih galdarin guazugrillis. | Tamberel kezäkuul piettäväl Finlayson Soi -festivualil roih kaikile avvonastu karjalankielisty programmua.
Täl nedälil virguniekat ollah jatkettu Helsingin Kalasataman suuren kerrostaloipalon tutkindua. Policien arvivon mugah suovattuehtän tulipalo rodih nelländen kerroksen galdarin guazugrillis.
Kilbu- da kuluttajanvirrasto on pal’l’astannuh muarjualan kartel’an.
Ruavottomus on pyzynyh Suomes iellehgi korgiel tazol. Ruavottomusastehen trendumiäry oli sulakuul 10,6 (kymmene pilku kuuzi) prosentua, mi on vuvven korgevin lugemu.
Suomi vois suaja äijiä nygösty enämbän kezäturistua, nenga sanou matkuandan eistämisjärjestön Visit Finlandan johtai.
Karjalazet Nuoret Suomes – Karjalaiset Nuoret Šuomešša -yhtistys pidäy Jovensuus pyhänpiän 7. (seiččemes) kezäkuudu karjalankielizen pläšindypivon.
Tamberel sežo kezäkuul piettäväl Finlayson Soi -festivualil roih kaikile avvonastu karjalankielisty programmua.
Kuusamos pietäh elokuul karjalastu kul’tuuruperindyö kaččelii Tie Vienah -simpouziumu.
Da sanommo vie, gu Ylen karjalankielizet uudizet jiäjäh nygöi kezäpauzale. Tulemmo järilleh elo-syvyskuun vaihtos. Čomua keziä kaikile!
Kuundele ližiä Yle Areenas: https://areena.yle.fi/1-77856126