Artikkelit

Lyhythiuksinen, silmälasipäinen mies seisoo ryhdikkäänä pieniruutuisen ikkunan edessä ja katsoo kohti kameraa. Ikkunalaudalla on runsaasti kukkivia huonekasveja.

Karielan kielen tverin murdehien online-šanakirja

Kirjoittanut: Toimitus
Julkaistu: 10.8.2024

Piäkuva: Aleksandr Bulkin kerto A. V. Punžinan šanakirjan šähköversijošta. Kuva Aleksandr Bulkinin arhiiva.

Tänä vuodena, šygyžyllä, täydyy 30 vuotta karielan kielen tverin murdehien šanakirjan painannašta – luajittih šanakirjan elektronnoin versijan.

Šanakirjan luadi Kielen, literatuuran da istourien instituutan karielan kielen tiijuštaja, tverin karielane Aleksandra Vasiljevna Punžina. Tverinkarielazet kieliaktivistat da nygözet karielan kielen tiijuštajat jatkettih hänen ruaduo – luajittih šanakirjan elektronnoin versijan. Täštä meilä šaneli yksi luadijoista, tverinkarielaine kieliaktivista Aleksandr Bulkin.

– Saša, kuin teilä tuli mieleh ruveta luadimah Punžinan tverin karielan kielen šanakirjan elektronnoida versijua?

– Miula jo ammuin juohtu mieleh, što olis hyvä luadie Punžinan šanakirjan elektronnoin versijan. Žentäh što täh rukah liey kebiembi i löydiä karielazet šanat i kebiembi liey opaštumah karielan kiel’dä. I ka yhen kerran kežällä kuuži vuotta tagaperin myö vaštuačima miun yštävinke, kieliaktivistoinke, i mie šanelin heilä miun idejah, elektronnoih versijah näh i myö reššimä, što rubiemma luadimah šanakirjan elektronnoin versijan.

– Kuin teijän ruado mäni?

– Punžinan šanakirja oli vain bumuagalla. Enžistäh pidi skaniiruija kaiken šanakirjan. I myö skaniiruiččima bumuagazen kniigan. A skaniiruičennan jälgeh kaikki teksta pidi lugie. Žentäh što skaniiruičennan jälgeh tekstah jäi yhä äijä hairahukšie. Pidi lugie kaikki teksta i kohendua kaikki šubi hairahukšet. Tämä oli jygie i pit’kä ruado. Meidä oli yhekšän ruadajua, ket luvettih teksta. Nellä vuotta tagaperin ruado loppieči. Anatoli Fedotočkinluadi ylen šoman i udobnoin saitan, a Irina Novak lizäi šanakirjah ne šanat, kumbazet valmisti iče Aleksandra Vasiljevna Punžina, konža vielä hiän oli elošša. I kolme vuotta tagaperin tämä ruado oli valmis.

– Kuin n’yt tämä ruado jatkuu?

– Šuurešša Karjalan kielen šanakirjašša oli äijä tverin karielan šanua, kumbazie ei ollun Punžinan šanakirjašša. Ka šiidä, konža Punžinan online-šanakirja oli valmis, mie lizäin vielä lähellä tuhatta karielaista šanua Punžinan šanakirjah. I mie jatkan tädä ruaduo.

Teksti: Ol’ga Ogneva, Oma Mua 7.8.2024

Karjalan kielen tverin murtehien šanakirjan nettišivu: punzhina.krc.karelia.ru

 

Lue nämäkin:

Uutta runoutta: Sriäppijä

Uutta runoutta: Sriäppijä

Piäkuva: Sriäppijä. Kuva: Andreas Lischka/Pixabay Sriäppijän käpöset pienet ta pehmiet. Taikinah ševottau ruista ta vehnyä, Lisäkši maituo, voita ta hiivua – Annetah noušša še nyt pikku hil’l’ua. Taikina kiukualla ähkäy ta öhkäy, Potakat hellalla veješšä röyhkyäy....

Mikä on Uutisčuppu?

Uutisčuppu – Uudisčuppu on Karjalan Sivistysseuran uusi ajankohtaiskanava. Julkaisemme tällä sivustolla kiinnostavia uutisia ja tietoa tulevista tapahtumista.

Tilaa uutisviesti

Tilaa sähköpostiisi ilmoitukset uusista artikkeleista.