Piäkuva: Karjalan kielen elvytysprogramma oriehankuoressa -kniigazen kanzikuvan on ottanuh Anne Kalliola. Kuva: Karjalan Sivistysseura
Karjalan Sivistysseuran verkosaital jullattih kylmykuus Karjalan kielen elvytysohjelma pähkinänkuoressa -kniigaine, kuduan luajittih Niko Tynnyrinen da karjalan kielen specialistujoukko. Nygöi samaine kniigaine on jullattu karjalakse nimel Karjalan kielen elvytysprogramma oriehankuoressa. Kiännökses käytetäh karjalan kolmie piämurrehtu, da sen ollah kiännetty karjalakse Olga Karlova, Elena Rapa, Niko Tynnyrinen da Natalia Giloeva.
Kniigaine on kirjutettu keviäl 2025 jullatun karjalan kielen elvytysprogramman tuvekse. Kniigazes kerrotah perusdielot kielien elvytändäs da ozutetah elvytysprogramman piäsyväindöt lyhyöh da käytändöllizeh tabah. Se avvuttau ellendämäh, kui ezimerkikse yhtistykset, fondat, perehet libo yksittäzet ristikanzat voijah eistiä edehpäi karjalan kielen käytändiä.
Kniigaine on jullattu pdf-muvvos Karjalan Sivistysseural verkosaital.
Linku kniigazeh Karjalan Sivistysseuran verkosaital.
Karjalankieline kniigaine painetah vähästy myöhembä, da sit sidä voibi ruveta maksottah tiluamah Karjalan Sivistysseuran verkolaukaspäi. Neččih näh tiijoitammo Päivännouzu-Suomen yliopiston karjalan elvytändän da Karjalan Sivistysseuran somekanualoil.
