Prezidentu Sauli Niinistö sanelou omas uvves kniigas vastavundois Ven’an prezidentan Vladimir Putinanke.
Niinistön kniigu Kaikki tiet turvaan jullattih kolmanpiän. Niinistön mugah Putinal oli tavannu šuuttie Suomen ičemiäriämisoigevuos da juohattua sit, gu Suomi on olluh vuitti Ven’ua.
Ebäilläh, gu ruoččilazel rikollispiäliköl on sidielöi äijih Suomes roinnuzih rikoksih.
Anneli Auerale da hänen endizele mielespiettäväle Jens Kukale täl nedälil on luveteltu viäritykset Aueran lapsih kohtavujis rikoksis.
Helsingis Mellunkylän linnaozas tapahtui ezmässargen aijoi huondeksel suuri räjähtys.
VR oppiu kuččuo lendoliikendehen ruado- da liikehmatkuniekkoi ližiämäl junien matkuandumugažuttu. Yhtivö tuou aijemba Piiterih ajelluot Allegro-pojiezdat järilleh raiživoloile nimel Pendolino Plus.
Matkuanduala vuottau Suomeh ulgomualpäi tulijan turizman rekordutalvie.
Karjalan kieli on lujah nägövis nellänpiän algavujas Helsingin Kniigujarmankan programmas. Karjalan kielen kiändäjät, karjalankielizet kirjuttajat, taidoilijat da specialistat paistah kielen eloivoimažuos da kiändämizes nellänpiän da pyhänpiän.
Kuundele liziä Yle Areenas: https://areena.yle.fi/1-75999557
