Uuzi opas karjalan kielen elvytändäh näh on jullattu
Karjalan Sivistysseuran saital on jullattu Karjalan kielen elvytysohjelma pähkinänkuoressa -nimine opas. Oppahan ollah luajittu Niko Tynnyrinen da karjalan kielen specialistoin ruadojoukko. Opas pohjavuu keviäl 2025 (kaksituhattu kaksikymmen viizi) jullattuh karjalan kielen elvytysprogrammah, kudaman luajindas vastai specialistujoukon ližäkse Päivännouzu-Suomen yliopiston karjalan kielen elvytysprojektu vuozien 2021 (kaksituhattu kaksikymmen yksi) da 2024 (kaksituhattu kaksikymmen nelli) välil.
Politico-lehti nosti Suomen tazavallan prezidentan Alexander Stubban jogavuodizele Euroupan vaikutusvaldahizembien ristikanzoin listale.
Suomelazien muanpuolistustahto on pyzynyh korgiel, nenga sanou Muanpuolistustiijoituksen planiiruičendukunnan uuzi sellitys.
Perehvällän uvvistus ližäi iččenästy vahnembienvällän käyttyö nenga puoleltostu kuul, nenga sanou Kela.
SPR:n veripalvelu kuččuu dounoroi tiluamah aigua edukyndeh rastavannedälile, sendäh gu bolničoile pidäy verivalmistehii Rastavan da Uvven vuvven pruazniekan aijakse.
Kuundele ližiä Yle Areenas: https://areena.yle.fi/1-75999571
