Nedälin 14 Yle Uudizet karjalakse Yle Areenas
Suomeh on puuttunuh ukrainalastu drounua
Suomeh jälgimäzien päivien aigua on petties puuttunuh äijähkö drounua. Tossargen (31.3.2026) rajavardivolaitos dogadii drounan järven jiäl Parikkalas.
Piäministru Petteri Orpo sanou, gu mahtollizis varattavis tilandehis pidäy tiijoittua kanzalazile parem.
Poltoainehet kallistuttih kevätkuul äijälgi.
Ebäsiännölline muatemenendyaigu da unen aijoituksen vaihtelendu voijah ližätä pahoin syväinkerä- da verisuonitaudiloin riskua keski-ijäs.
Suomen ylikulutuspäivy oli 1. (enzimäine) sulakuudu, nenga sanou Muailman luonnonfondu WWF.
Suvisuomelazet piästih lähtemäh pidämäh Äijiäpäiviä kezäaijan vauhtirajoituksil.
Tiedokirja Argivoi da pyhähuttu – Salmin karjalaista ruokakulttuuria (Karjalan Sivistysseura 2026) pohjavuu salmilastu roinduperiä olijan opastajan, rahvahanperindehen tallendajan da kirjailijan Martta Pelkozen luajittuh rahvastiijollizeh kačahtukseh Salmin syömistalovuos. Kohendus Ylen uudizeh: Argivoi da pyhähuttu – Salmin karjalaista ruokakulttuuria -kniigu jullatah sula-oraskuun vaihtos.
Karjalan da võron kielien pagizijat voijah tuttavuo toine toizien kielih tuliel kuul Jovensuus. Oraskuun 7.–9. (seiččemes – yheksäs) päivy todevutettavu pido on organizuittu enne kaikkie nuorih da nuorih aiguhizih niškoi.
Kuundele ližiä Yle Areenas: https://areena.yle.fi/1-77438288