Nedälin 3 Yle Uudizet karjalakse Yle Areenas: Policii tutkiu mustovoimattoman naizen kuolendua hoivukois
Policii ebäilöy rikostu kuolendantapahtukses, kudai rodih turkulazes hoivukois mennyt kuul. Mustovoimatoi naine kuoli Esperi Caren hoivukois Turrus talvikuul.
Piäministru Petteri Orpo kannattau socializen medien kieldämisty al 15 (viizitostu)-vuodizil.
Tuhanzii thaimualazii on puuttunuh vuozien aloh velguridah kerätes Suomes muarjua. Dieloh näh tiijustettih Kalevi Sorsa -fondan jullatus raportaspäi.
Sateliittupaikanduksen häiričendy Suomen alovehel on kazvanuh äijälgi vuvves 2022 (kaksituhattu kaksikymmen kaksi) algajen. Häiričendiä tulou Ven’alpäi.
Iranas arvivon mugah on kuolluh sadoi libo toinah tuhanziigi mielenozutuksis muan hallinduo vastah.
Helsingis on ozutettu mieldy Iranan posol’stvan ies. Mielenozuttajat kritikuittih Iranan hallinduo uskondon- da sananvällyön rajoitandas sego iranalazien mielenozuttajien pahaspiendäs.
Lapis on olluh jälgimäzien päivien aigua äijy vilun ilman täh ruattavua pellastusruaduo.
Karjalan Sivistysseura julgai kylmykuul suomenkielizen Karjalan kielen elvytysohjelma pähkinänkuoressa -oppahan. Talvikuul opas piästettih ilmah sežo karjalakse nimel Karjalan kielen elvytysprogramma oriehankuoressa.
Kuundele ližiä: Yle Uudizet karjalakse Yle Areenas
