Sergei Jevstafejev on rodivunnuh Suojärven piirin Porojärven kyläh 31. kevätkuudu 1956. Häi kirjuttau pienii kerdomuksii omis kyläläzis da heijän elokses vuozinnu 1950-1970. Tevokset kerrotah tavallizien karjalazien argipäivis, heijän huolis da zobotois, suuris da pienis ilolois. Niilöin lugiettuu kerras ellendät, gu joga kerdomuksen kirjuttai on laskenuh omas ičes läbi.
Häi rounogu bokaspäi kaččou omien kerdomuksien piähengilöin touhuloih, suuren suvaičuksen da juumoranke kirjuttau heijän ilolois da on pahas mieles, konzu heidy midätahto vaivuau. Nämmä kerdomukset liikutetah äijien lugijoin syväimii. Kirjuttajan kieli on kebjieh ellendettävy. Toinah segi ähkäi karjalan kielel kiändäjii ottavumah Sergien kerdomuksien kiändämizen ruadoh.
Sergei Jevstafejevan kirjutuksii jo painettih Oma Mua -lehten da Taival-al’manuahan sivuloil. Smietimmö, gu moine kniigu pädöy karjalan kielen opastujile. Sidä voit käyttiä kerholois, kursiloil, yliopistos da školis. Toivotammo teile hyvii hetkii kniigua lugijes!
Tunnustu iče: http://www.karjalansivistysseura.fi/tarinat/sahkokirjat/lammin-tuuli-peldoloispai/
