Piäkuva: Huondeksel oman koufein juojil on pienembi mahto kuolta syväintaudiloih. Kuva: Markku Pitkänen / Yle
Koufeinjuondan aijan tervehyshyödylöis jullattih enzimäine suuri tutkimus mennyt nedälil kolmanpiän.
Koufeinjuondu huondeksel tuou moizii tervehyshyödylöi, kudamii koufeinjuondu päivän aloh ei tariče. Tämä tiijustettih enzimäzes suures tutkimuksespäi, kudai kaččeli koufeinjuondan vaikutustu suutkien eri aigua.
Dieloh näh uudizoičči The Guardian.
Tutkimuksen mugah net ristikanzat, kudamat juvvah koufeidu huondeksil, kuoltah syväintaudiloih 31 prosentua harvembah, migu ristikanzat, kudamat ei juvva koufeidu. Sen ližäkse huondeskoufein juojil tovennägöžys kuolta muitegi enne aigua on 16 prosentua pienembi.
Yle Uudizet karjalakse: https://yle.fi/a/74-20136566
