Yhtysvalloin prezidentan Donald Trumpan pluanu Gazan voinan loppemizekse on otettu vastah muailmal hyvin.
Pozitiivistu kommentua on kuultu paiči muudu äijil muslimumualoilpäi sego palestiinalazel hallindolpäi da eurouppalazil johtajilpäi.
Suomen halličus tossargen vastai oppozicien välikyzymykseh halličuksen ruandumaltos Palestiinan tunnustamizes.
Helsingin paikalline suudo on pannuh nakazuaniekse vuvvennu 1990 (tuhat yheksäsadua yheksäkymmen) roinnuole miehele kanzanevustajan Krista Kiurun pahoipiendäs 30 (kolmenkymmenen) päivän ehtottoman vangičuksen.
Biržusähkön četvertihinnoittelendu algavui kolmanpiän. Se merkiččöy, gu biržusähkön hindu pannah ielleh viijentostu minuutan välilöin, ga ei kerran čuasus.
Ylen uuzi toimitusjohtai Marit af Björkesten on zavedinnuh oman ruavon. Häi on hätken ruadanuh Ylen johtoruadolois da ruočinkielizes Svenska Yles.
Hukkien miäry Suomes on kazvanuh äijälgi, nenga sanou Luonnonvarakeskus.
Karjalan nygykieli kehittyy ravieh. Yksi kielen kehitändän piälimäzis dielolois on uvven sanaston luajindu da keriändy.
Kuundele liziä Yle Areenas: https://areena.yle.fi/1-75999551
