Kiirehettömän eričysvoimattomanhoijon vuottajien miäry on iellehgi suuri.
Tämä tiijustettih Tervehyön da hyvinvondan laitoksen verekses statistiekas. Elokuun lopul enäm 166 000 (sadua kuuttukymmendy kuuttu tuhattu) hengie vuotti hyvinvoindualovehil piäzendiä kiirehettömäh eričysvoimattomanhoidoh.
Suomi da Norvegii tahtotah parandua mualoin välizii juna- da doroguyhtevyksii vojennois käytös.
Päivännouzu-Suomen yliopiston tutkijat vuajitah leviedy yhtehiskunnallistu paginua vahnoin ristikanzoin palveluloih näh.
Mennyt pyhänpiän Espoos pal’l’astunnuh ebäilty vägivaldurikos viritti paginbauhuu. Rikoksen žertvu on endine hokkeikižuaju Janne Puhakka. Tappajakse ebäilläh Puhakan vastinehtu.
YK:n turvalližusnevvosto on huolevunnuh Libanonan rauhanturvuajien tilandehes. Turvalližusnevvosto pagizi tossargen yöl Suomen aigua rauhanturvuajih kohtavujis hyökkävyksis.
Ruadosijua vaihtanuzis joga nelläs žiäleiččöy sidä jällespäi. Tämä tiijustettih Ruavoneččo Suomes 2024 (kaksituhattu kaksikymmen nelli) -tutkimuksespäi.
Kuundele liziä Yle Areenassa: https://areena.yle.fi/podcastit/1-51015905
