Karjalan kieli on suannuh hätken vuotetun elvytysprogramman.
Sih on kirjutettu enäm kahtukymmendy toimenpidehezitysty, kudamat todevujes lujendettas karjalan kielen eloivägie. Specialistoin joukko mainiččou paiči muudu uvven toimielimen perustandua.
Izrael tahtou ottua haldivoh kaiken Gazan polosan, nenga sanou piäministru Benjamin Netanjahu.
Päivännouzurajan pidämine salvas maksau enäm puoldu miljonua euruo kuus.
Euran vertol’ottuozattomuon yhten vertol’otan lennontallendimis ei voija ni vouse suaja tieduo, nenga sanou Ozattomustutkindukeskus.
Nuorien da päihtehprobliemahizien kel ruadajat ollah dogadittu, gu alaigähizet myvväh omii ADHD-resepturohtoloi päihtehkäyttöh näh.
Kuundele liziä Yle Areenas: https://areena.yle.fi/1-73056320
